Өнөөдөр буюу 2022 оны тавдугаар сарын 18-ны өдрийн 12:00 цагийн орчим БЗД-ийн нутаг дэвсгэр 23-р хороо, Улиастай руу эргэх зам дээр нийтийн тээврийн автобус, том оврын машин мөргөлдсөн дуудлага мэдээллийн дагуу цагдаагийн байгууллага шалгалтын ажиллагаа явуулж байна.

Тодруулбал, Daewoo маркийн автобус Улиастайн уулзвараас хойш 200 метр орчим зайд "Киа бонго" маркийн ачааны автомашинтай мөргөлдсөн зам тээврийн осол гарсан байна. Улмаар "Киа бонго" маркийн автомашины жолоочийн амь хохирсон ноцтой зам тээврийн осол гарчээ. 

Ослын газарт цагдаагийн болон 103, 105-ын бүрэлдэхүүн дуудлагын дагуу ажилласан байна. 

Замын хөдөлгөөнд оролцогч та бүхэн Замын хөдөлгөөний дүрмийн өөрт холбогдох заалтыг судалж, мөрдлөг болгон өөрийн болон бусдын аюулгүй байдлыг хангах, анхаарал болгоомжтой хөдөлгөөнд оролцохыг Тээврийн цагдаагийн албанаас зөвлөж байна.

 

---