"Монголдоо сайхан амьдаръя. Ажлаа хий" залуусын тайван жагсаалыг тараах үеэр Чингэлтэй дүүргийн Цагдаагийн нэгдүгээр хэлтсийн Хэв журмын хэлтсийн дарга, цагдаагийн хошууч Б.Дулмаадорж нь саатуулагдаж байгаа нэгэн залууг араас нь өшиглөж байгаа нь бичлэгт үлдсэн байдаг. 

Энэ үйлдэлтэй нь холбогдуулж, өмгөөлөгч С.Асланбек, П.Еркебулан нар Авлигатай тэмцэх газрын Мөрдөн шалгах хэлтэст гомдол гаргажээ. 

Харин тус хэлтсээс шалгаад "гэмт хэргийн шинжтэй үйлдэл тогтоогдоогүй" хэмээн хэрэг бүртгэлийн хэрэг нээхээс татгалзсан байна.

Иймд өмгөөлөгч нар Нийслэлийн прокурорын газарт хандахаа мэдэгджээ. 

---