ОХУ цар тахлын үеийн дүрэм журмаа сулруулж, нийт 52 улс руу хийх нислэгийн хязгаарлалтыг цуцлах болсныг тус улсын Ерөнхий сайд Михаил Мишустин мэдэгджээ. Тэгвэл эдгээр улсын жагсаалтад Монгол Улс багтсан байна.

Ерөнхий сайд Мишустин энэ талаар "ОХУ болон бусад хэд хэдэн улс хоорондын байнгын болон тусгай нислэгт тогтоогоод байсан коронавирусийн хязгаарлалтыг 4 дүгээр сарын 9-өөс цуцална. Одоо бид Энэтхэг, Хятад, Өмнөд Африк болон бусад нөхөрсөг улс оронтой нислэгээ сэргээнэ" хэмээн тэмдэглэсэн юм.

Үүнээс өмнө нь тус улсаас ердөө 15 улс руу ямар ч хязгаарлалтгүйгээр нислэг үйлдэх боломжтой байсан билээ. Тэгвэл улс орнуудын цар тахлын нөхцөл байдлыг харгалзан, бүх төрлийн нислэгт тавьсан хязгаарлалтыг цуцлах шийдвэр гаргасан гэж Коронавирустэй тэмцэх шуурхай штабаас тайлбарлажээ.

Эх сурвалж: TASS

---