Израилын Беершеба хотын "BIG" худалдааны төвийн гадна хутгаар зэвсэглэсэн этгээд халдлага үйлдсэний улмаас дөрвөн хүн амиа алдаж, хэд хэдэн хүн хүнд шархадсан байна.

Тус улсын Дотоод аюулгүй байдлын агентлагийн мэдээлснээр, халдагч нь Мухаммед Галеб Ахмад Абу Алкиан гэх эрэгтэй бөгөөд тэрээр Беершебагаас 19 км-ийн зайд орших Хура хотод ахлах сургуулийн багшаар ажилладаг байжээ. Алкиан 2015 онд Исламын улс бүлэглэлд элсэхийн тулд Сири рүү явахаар зэхэж байхдаа баривчлагдсан бөгөөд 2019 онд суллагдах хүртлээ шоронд хоригдсон байна.

Өнгөрөгч мягмар гаргийн хэргийг тодруулбал, Алкиан шатахуун түгээх станцад нэгэн эмэгтэйг хутгалсныхаа дараа худалдааны төв рүү явах замдаа дугуйчныг автомашинаараа мөргөжээ. Ингээд тэрээр худалдааны төвд очиж, иргэд рүү халдсан бөгөөд улмаар хажуугаар нь өнгөрч явсан автобусны жолооч түүнийг буудаж хороосон гэж цагдаа нар мэдээлсэн юм.

Израилын Ерөнхий сайд Нафтали Беннетт энэхүү явдлыг "аймшигт террорист халдлага" гэж тодорхойлоод, "Бид алан хядагчдын эсрэг хатуу арга хэмжээ авах болно. Мөн тэдэнд тусалсан, өдөөсөн хүмүүсийг ч бид мөрдөж, баривчлах болно" хэмээн мэдэгджээ.

Эх сурвалж: BBC

---