Монголын Залуучуудын холбооноос “Архидалтгүй баяр” аяны хүрээнд “Open Mic” үйл ажиллагааг төв талбайд зохион байгуулж байна.

МЗХ-ны ЕНБД Э.Цэнд-Аюуш: МЗХ-оос 2012 оноос эхлэн архидалтын эсрэг дуугарч эхэлсэн. "Спирт үү спорт уу" уриаг 10 жил уриалж байна. Өнгөрсөн гуравдугаар сарын 14-ны өдөр Монгол Улсын Ерөнхийлөгч эрчүүдийн чуулган зохион байгуулж, тэр үеэрээ архидалттай тэмцэнэ гэж зарласан. МЗХ 16-ны өдөр ХБХ хийж "Архидалтгүй баяр" аяныг өрнүүлэхээр зарласан. Жил бүрийн гуравдугаар сарын 18-нд хамгийн их архи борлуулагддаг юм билээ. Энэ өдөр бүгд архидалтгүй баярлая гэж уриалж өнөөдөр төв талбайд энэ арга хэмжээг зохион байгуулж байна. 60 гаруй залуус нэгдэж ирсэн байна.

-Та бүхэн 2000 шил архи асгана гэж мэдэгдсэн?

-МЗХ-ны тэргүүнээр О.Гэрэлт-Од гэж хүн ажилладаг. Миний бие болон Удирдах хороо, Гүйцэтгэх хорооны зүгээс ямар нэг байдлаар архи асгах тухай мэдээлэл хийгээгүй, төлөвлөөгүй. Архидалтгүй тэмдэглэе гэж л уриалсан. Баасан гараг бүрд спорт залыг үнэ төлбөргүй болгоё, Албан байгууллагуудад архины хор хөнөөлийн тухай сурталчилгааг хийе гэх мэт 6 уриалгынхаа хүрээнд ажиллана. 

-Танай Ерөнхийлөгч архи асгаж буй зургаа оруулсан байсан. Арга хэмжээний сурталчилгаа юм уу?

-Архины шилэн дээр ямар өгүүлбэр байсныг анзаараарай. Архи асгасныг бүү анзаараач.

---