Шадар сайд С.Амарсайхан мэдээлэл хийх үеэрээ Украинд үүсээд буй нөхцөл байдалтай холбогдуулан сэтгүүлчийн асуултад хариуллаа. 

Тэрбээр "Украин улсад нөхцөл байдал хүнд байгаа бөгөөд онц байдал зарласан буюу дайны нөхцөл үүсэж болзошгүй учраас улс орнууд өөрийн иргэдтэй холбоотой арга хэмжээнүүдээ авч хэрэгжүүлж байх шиг байна.

Украйнд нийт 60 гаруй иргэд, оюутан байснаас тал орчим нь өөрсдөө хүрээд ирсэн. Одоо тэнд манай улсын 30 орчим иргэн бий. Өчигдөр Гадаад харилцааны сайдтай ярилцаж, тодорхой үүрэг даалгавар өгсөн.

ОХУ дахь Элчин сайдын яам, ГХЯ хамтарч тэнд байгаа иргэдээ яаралтай татаж авах, эх орондоо ирэх иргэдийг буцаж ирэхэд дэмжлэг туслалцаа үзүүлэх арга хэмжээг яаралтай авч, өөрсөдтэй нь холбогдох үүрэг даалгавар өгсөн байгаа" хэмээн сэтгүүлчдийн асуултад хариулсан юм.

---