БНХАУ-ын хилийн Эрээн боомтод гурван сар орчим саатсан ачаа тээврийг яаралтай хил нэвтрүүлэх нэгдсэн зохион байгуулалтад орон ажиллаж байгаа юм.

Нэгдүгээр сарын 12-ны өдрөөс хилийн боомтын үйл ажиллагаа жигдэрч, 49 чингэлэг бүхий 1000 гаруй тонн ачаа, нэгдүгээр сарын 13-нд 60 чингэлэг ачаа барааг Эрээний боомтоос татан авсан бөгөөд хүнс болон бусад бараа бүтээгдэхүүн зэрэг бүх төрлийн ачаа байгаа юм.

Эдгээр ачаанд ямар бараа бүтээгдэхүүн байгааг УБТЗ-аас мэдээллээ.

Тус газраас мэдээлснээр нэгдүгээр сарын 11-13-нд хилийн 0 цэгээс 58 ширхэг 40 тонны чингэлэг, 74 ширхэг 20 тонны чингэлэгтэй эм, эмнэлгийн хэрэгсэл, барилга, сантехник, түүвэр болон өргөн хэрэглээний бараа бүтээгдэхүүнийг татан авчээ. Тодруулбал хувцас, гялгар уут, скоч, таг, тахиа, гахайн мах, муурын элс, гар удирдлагатай эмнэлгийн ор, мотоцикл, хивс зэрэг байна.

---