Лондоны 2012 оны зуны Олимпод хиймэл хөлтэй гүйгч Паралимпад тэргүүлж алтан медаль хүртсэн анхны түүхэн үйл явдлыг бүтээсэн Өмнөд Африкийн тамирчин Оскар Писториус найз бүсгүйгээ санамсаргүйгээр буудаж хороосон хэргээр ял эдэлж байгаа билээ. Паралимпад түрүүлж, алтан медаль хүртсэнийхээ дараа жил буюу 2013 оны хоёрдугаар сарын 14-ний Валентины баярын өдөр уг харамсалтай үйл явдал болсон юм.

Писториус өөрийн найз бүсгүй байсан Риева Стинкэмпийг орон байрны хулгайчтай андууран цоожтой угаалгын өрөөний хаалгаар дөрвөн удаа буудсан. Удаа дараа болсон шүүх хурлын эцэст 2017 онд Писториуст 13 жил таван сарын хорих ял оноосон юм. Тэрээр ял эдлэх хугацааныхаа талыг Өмнөд Африкийн нийслэл Преториа дахь хорих газарт өнгөрүүлж, Гкеберха боомтын хот дахь хорих газарт шилжин ирээд байна.

Өмнөд Африкийн шүүх тогтолцооны “шударга ёсыг сэргээх” санаачилгын хүрээнд Оскар Писториусыг өршөөлөөр суллах нөхцөл байдал үүсээд байгаа юм. Үүний дагуу ял эдэлж буй этгээд хохирогчид болон тэдний гэр бүлийн гишүүд, төрөл төрөгсөдтэй уулзах ёстой. Уг журмаар амиа алдсан Риева Стинкэмпийн ээж Жюнь Стинкэмп Писториустай уулзах бэлтгэлээ хангаж байна. Хохирогч бүсгүйн ээж охиноо алдсан нь юугаар ч зүйрлэшгүй эмгэнэлтэй үйл явдал боловч Оскарыг уучилсан тухайгаа хэлж байжээ.

Өмнөд Африкийн Паралимпын алтан медальт тамирчин тахилзуур ясгүй төрсөн учир 11 сартай байхдаа өвдөгнөөсөө доош хиймэл хөлтэй болсон байна.

Эх сурвалж: ВВС

---