АНУ-ын Мэрилэнд мужийн оршин суугч 61 настай тэтгэвэрт гарсан гэрийн эзэгтэй Бетесда дахь дэлгүүрээс 5 ам.доллараар хоёр сугалаа худалдаж авчээ. Эхний сугалаанд аз таараагүй ч хоёр дахь сугалаагаараа 50,000 ам.долларын хонжвор хожсон байна.

Үүгээр ч зогсохгүй уг эмэгтэй гурван жилийн дотор гурав дахь удаагаа сугалааны хамгийн дээд хонжвор болох 50,000 ам.долларыг хожсон гэнэ. Эмэгтэй 2018 оны наймдугаар сард уг дэлгүүрээс худалдаж авсан сугалааны тасалбараар анх удаа 50,000 ам.доллар хожжээ. Үүнээс хойш удалгүй 10 дугаар сард дахин 50,000 ам.доллар хожсон байна.

Эмэгтэй гурав дахь удаагаа сугалааны дээд хонжворын эзэн болсондоо өөрөө ч итгэж өгөхгүй байгаагаа хуваалцжээ. Мэрилэнд Лоттери сугалааны удирдах байранд очиж гурав дахиа хонжвороо авахдаа ч мөн итгэхэд бэрх байсан хэмээн ярьжээ. Тэрээр хонжворын мөнгөө гэрийнхээ засварт зарцуулна гэжээ.

Эх сурвалж: CNN

---