УОК-оос онцын шаардлагагүй бол гадаад улс орнуудад аялахгүй байх, шинэ мутаци бүртгэгдсэн болон зөөвөрлөгдсөн улсад зорчсон иргэдийг өөрсдийнх нь зардлаар 10 хоног тусгаарлах шийдвэрийг гаргалаа.

Эрүүл мэндийн сайдын зөвлөх О.Батбаяр: Шинээр бүртгэгдсэн хувилбартай холбоотойгоор вакцины үр нөлөө хэр байх талаарх судалгааг Модерна, Файзер болон бусад вакцин үйлдвэрлэгч орнууд хийж байгаа. Одоо хэрэглэж байгаа вакцины үр нөлөө шинэ вирусэд хэр тэсвэртэй байх эсэх судалгааны хариу 14 хоногийн дараа гарна.

Олон улсын судлаачид вакцины хамрагдалт өндөр, тэр дундаа бүүстер тунгийн хамрагдалт өндөр улс орнуудад шинэ вирусийн халдварлах чадвар болон нас баралт бага байх магадлалттай гэсэн урьдчилсан таамаглалыг гаргаж ирж байна.

Иймд манай улсын иргэд вакцины бүүстер тундаа хамрагдах нь хамгийн эхний сэргийлэх алхам гэж хэлмээр байна.

---