Энэтхэг улсын Засгийн газар удаан хугацаанд хэлэлцсэний дүнд ихэнх төрлийн цахим мөнгөн дэвсгэртэд хориг тавихаар төлөвлөж байна. Уг хориг хэрэглээнд гарсан болон гарахаар төлөвлөөд буй бүх хувийн цахим мөнгөн дэвсгэртүүдийг хамруулах ажээ.

Шинэ хууль батлагдахаар болсон тухай мэдээлэл гарсны дараа Энэтхэгийн хөрөнгийн биржүүдэд цахим мөнгөн тэмдэгтийн ханш огцом унасан байна. Тухайлбал Биткойн 13 хувиар, Шиба Ину болон Догекойны ханш 15 хувиар буурчээ.

Цаашид иргэдийн хувиараа гаргаж буй цахим мөнгөн тэмдэгтүүдийг хориглож, Энэтхэгийн нөөцийн банкнаас албан ёсоор дижитал валют гаргахаар төлөвлөжээ. Энэ нь хөрөнгө оруулагчдыг эрсдэлд орохоос хамгаалах зорилготой юм байна.

Харин Энэтхэгийн зах зээлд цахим мөнгө гаргасан хувь хүмүүс болон компаниуд шинэ хуулийн төсөлд төдийлөн таатай хандахгүй байгаагаа илэрхийлжээ.

Эх сурвалж: ВВС

---