Сүүлийн 24 цагийн хугацаанд улсын хэмжээнд 711 иргэн коронавирусээр халдварласан нь PCR шинжилгээгээр батлагджээ. 

Шинээр илэрсэн тохиолдлууд бүгд дотоодын халдвар бөгөөд 486 нь Улаанбаатар хотод, 225 нь орон нутагт бүртгэгдсэн байна. Орон нутгаас хамгийн олон буюу 22 тохиолдол Говь-Алтай аймагт батлагджээ. Мөн хугацаанд коронавируст халдварын улмаас 21-80 гаруй насны 7 хүн нас баржээ. Өнөөдрийн байдлаар коронавируст халдварын улмаас нийтдээ 1903 хүн амиа алдаад байна.

Одоогоор коронавируст халдвараар улсын хэмжээнд 7196 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 14684 хүн өрхийн эмчийн хяналтад гэрээр эмчлүүлж байна.

---