МҮЭХ-оос 2022 оны Улсын төсөв болон Хөдөлмөр нийгмийн зөвшил /ХНЗ/-ийн улсын гурван талт хэлэлцээрийн хэрэгжилтийн асуудлаар мэдээлэл хийлээ.

МҮЭ-ийн холбооноос Монгол улсын Засгийн газар, Сангийн яам, ХНХЯ-д 2022 оны улсын төсвийн төсөлд 2021 оны долдугаар сарын 8, наймдугаар сарын 24-ны өдөр санал хүргүүлсэн. Гэтэл улсын төсвийн төсөлд МҮЭ-ийн холбооны голлох санал болох цалин хөлсийг нэмэгдүүлэх, хөдөлмөр эрхлэлт, хөдөлмөрийн аюулгүй байдал эрүүл ахуйн зардал, төрийн албан хаагчдын орон тоо түүнтэй холбогдсон хөрөнгийн эх үүсвэр тусгагдаагүй байна.

Хөдөлмөр, нийгмийн зөвшлийн гурван талт 2021-2022 оны Улсын хэлэлцээрийн хэрэгжилтийг хангуулах хүрээнд дараах асуудлыг Улсын төсөвт тусган хэрэгжүүлэх асуудлаар ХНЗ-ийн Үндсэн хороог энэ сарын 20-ны дотор хуралдуулах саналыг ХНХ-ын сайд А.Ариунзаяад хүргүүлсэн ч өнөөдрийг хүртэл хариу өгөөгүй байна.

Тиймээс МҮЭ-ийн холбооноос Хэлэлцээрийн хүрээнд Улсын төсөвт тусган хэрэгжүүлэх шаардлагатай асуудлууд байгааг дахин сануулж мэдэгдэж байна гэв.

---