АНИМЭ
СПОРТ
ХӨГЖИМ
™ watch
Хууль эрхзүй | 1 сарын өмнө

Холбооны мөрдөх товчооноос эрэн сурвалжилж байсан этгээдийг Монголд саатуулав

Нийтэлсэн
1 сарын өмнө


Сурталчилгаа
Нийтэлсэн:   Г.Равжаа
1 сарын өмнө

Олон үндэстэн дамнасан, Нигерийн зохион байгуулалттай гэмт бүлэглэлийн гишүүн, АНУ-ын харьяат Н.Т.Л гэх 65 настай эрийг ЭЦА-ны Эдийн засгийн гэмт хэрэгтэй тэмцэх газрын ажилтнууд өнгөрсөн долоо хоногийн лхагва гаргийн үдэш баривчиллаа.

Түүнийг манай улсын харьяат хоёр эмэгтэйтэй Сүхбаатар дүүргийн нутаг дахь “Шангри-Ла” зочид буудалд байхад нь саатуулсан бөгөөд өрөөнөөс нь их хэмжээний валют, санхүүгийн хуурамч бичиг баримтууд, Улаанбаатар дахь АНУ-ын Элчин сайдын яамны эрх бүхий албан тушаалтны гарын үсгийг дуурайлган зурсан, тамга, тэмдэг бүхий баталгаа, компьютер, зөөврийн санах ой (флаш диск)-д хадгалсан хөрөнгө оруулалтын хуурамч гэрээ зэргийг эд мөрийн баримт болгон манай хууль сахиулагчид хураажээ.

Тэрбээр АНУ-д эхний зургаад багтах хөрөнгө оруулалтын банкны нэрийг ашиглан, хуурамч цахим шуудан (и-мэйл)-гаар Монгол Улсын нэр бүхий аж ахуйн нэгжийнхэнтэй интернэтээр холбоо тогтоож, барьцаа хөрөнгө шаардахгүйгээр 300 сая ам.долларын санхүүжилт олгоно гэж итгүүлсэн байна. Улмаар дээрх хөрөнгө оруулалтын банкны хуурамч төлөөлөгчийн итгэмжлэл хийж, төлөөлөгч нь хэмээн өнгөрсөн есдүгээр сард Монгол Улсад иржээ.

нь шалгалтаар тогтоогдсон аж. Уг хуурамч баталгаагаа ашиглан “Хөрөнгө оруулалтыг ЭСЯ-наас баталсан” гэх ойлголт, итгэлийг манай аж ахуйн нэгжийн удирдлагуудад төрүүлсэн гэнэ. Ингээд ыг эх сурвалжууд мэдээллээ. Мөрдөн шалгах ажиллагааны явцад түүний ашиглаж байсан гар утас, компьютерт гадаадын олон улсын банкны хуурамч итгэмжлэл хийж, хадгалсныг нотлох баримт гэж үзэж буй гэнэ.

Түүнийг АНУ-ын Холбооны мөрдөх товчоо (ХМТ)-ныхон шалгаж, эрэн сурвалжилж байсан бөгөөд Нигерийн зохион байгуулалттай гэмт бүлэглэлийн гишүүн гэдгийг манай хууль сахиулагчдад ЭСЯ-ныхнаараа дамжуулан мэдэгдсэн гэнэ.

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.