Дэлхий дахинд комьпютерын чипний хомстол үүсээд байгаагаас шалтгаалж iPhone 13 гар утасны үйлдвэрлэл тасалдаж, хэрэглэгчдийн хэрэгцээг бүрэн хангаж чадахгүй байж магадгүй нөхцөл байдал үүссэн. Үүнээс шалтгаалж Apple компанийн хувьцааны ханш 1,2 хувиар буурсан байна.

Блүмберг агентлагийн мэдээллээр 2021 оны дөрөвдүгээр улиралд Apple компани 90 сая ширхэг iPhone 13 гар утас үйлдвэрлэхээр төлөвлөж байгаа юм. Тус компани түншүүддээ хандан нийт үйлдвэрлэх гар утасныхаа тоог 10 сая ширхгээр багасгахаа мэдэгдсэн гэж бизнесийн сэтгүүлүүдэд нийтэлжээ.

Apple-аас гадна үйлдвэрлэлийн тоног төхөөрөмж нийлүүлдэг Broadcom, Texas Instruments компаниудын хувьцаа ч мөн 1 хувиар буурсан байна. Apple цоо шинэ iPhone 13 загварын гар утаснуудаа есдүгээр сард танилцуулж, мөн сарын 17-оос урьдчилсан захиалга авч, 24-ний өдрөөс хэрэглэгчдийн гарт хүргэж эхэлсэн юм.

Эх сурвалж: ВВС

---