Улсын их хурлын нөхөн сонгууль ирэх сарын 10-нд болно. Энэ хүрээнд өнөөдөр УИХ-ын 18 дугаар тойрог буюу Хэнтий аймгийн сонгуулийн хороо санал тоолох төхөөрөмж болон саналын хуудас зэргээ хүлээн авч явлаа.

Хэнтий аймгийн СХ-ны дарга Д.Ганбаатар: Хэнтий аймгийн 18 суманд сонгуулийн 89 хэсгийн хороо ажиллаж байгаа. Аймгийн хэмжээнд 51529 сонгогч бүртгэгдсэн. Өнөөдөр Сонгуулийн ерөнхий хорооноос 178 санал тоолох төхөөрөмжийг хүлээн авлаа. Нэг хэсэг дээр хоёр санал тоолох машин ашиглаж юм. Халдварын нөхцөл байдал хүнд үед сонгуулийн байгууллагын бүх ажилтнууд халдвар, хамгааллын дэглэмийг чанд мөрдүүлж, ажиллана. Сонгуулийн 89 хэсэг дээр 1000 орчим төрийн албан хаагч ажиллаж байна. Саналын хуудасны тоог тодорхой нөөцтэйгээр бүртгэлийн тоон дээр үндэслэж, хэвлүүлсэн. 

---