Засгийн газрын ээлжит хуралдаан өнөөдөр үргэлжилж байна. Хуралдаанаар 2022 оны төсөв, авлигын индексийг бууруулах ажлын хэсгийн авч хэрэгжүүлж байгаа арга хэмжээ, нийгмийн даатгалын багц хуулийн төслийг хэлэлцэж байгаа ажээ. 

Дээрх хуулиудын төслийг энэ оны тавдугаар сараас төрийн болон төрийн бус байгууллага, олон нийтэд нээлттэй хэлэлцүүлэх ажлыг үе шаттай зохион байгуулж байгаа юм.

Нийгмийн даатгалын хуулиудын төсөл нь одоо мөрдөгдөж буй эв санааны нэгдлээс хуримтлалын тогтолцоонд шилжих бодлогод тулгуурлаж, нийгмийн даатгалаас олгох тэтгэвэр, тэтгэмж, төлбөр нь даатгуулагчийн шимтгэл төлсөн хугацаа, төлсөн шимтгэлийн хэмжээтэй уялдаатай байх, мөн санхүүгийн хувьд тогтвортой, бие даасан, найдвартай байдлыг хангасан байхаар тусгажээ. Мөн тэтгэвэ өвлөгддөг байх асуудлыг ч тусагсан байна.

Засгийн газрын хуралдаанаас гарсан шийдвэрийг 14:00 цагт танилцуулахаар тогтжээ. 

---