Чөлөөт бөхийн дасгалжуулагч Ц.Хосбаяртай ярилцлаа. Тэрээр "Ажлаа хийж чадахгүй байгаа Чөлөөт бөхийн холбооныхон зайгаа тавьж өгөх хэрэгтэй" хэмээн өгүүлж байна. 

Чөлөөт бөхийн дасгалжуулагч Ц.Хосбаяр: 

-Дэлхийн аваргын тэмцээний хуваарь жилийн өмнө гардаг. Гэтэл одоо МЧБХ-ны шигшээ багийн тамирчин тус бүр дунджаар есөн сая төгрөг хувиасаа гаргаж явахаар болчихоод байна. Холбоо болон БТСХ дээр төсөв мөнгө байхгүй гэсэн. Мөнгөө төсөвлөөд, үлдээсэн байх ёстой шүү дээ. Чөлөөт бөхийн шигшээ багийн дасгалжуулагч Б.Баттулга "гадуур мөнгө хайгаад явж байна" гэсэн. Ийм байж болохгүй л дээ. 

Мөн, "Женко" группийн тамирчин Г.Отгонжаргалыг эмнэлгээс гаргангуут нь Дэлхийн аваргад явуулна гэж байна. Клубын ерөнхийлөгч Х.Баттуулын хийж байгаа ажил. Эмнэлгээс гарсан хүн арван хэд хоногийн дараа тэмцээнд орохоор ямар амжилт үзүүлэх юм бэ. Ажлаа хийж чадахгүй байгаа Чөлөөт бөхийн холбооныхон зайгаа тавьж өгөх хэрэгтэй байна. 

-МЧБХ-ны ЕНБД Б.Батбаяртай холбоотой олон зүйл яригддаг. П.Орхоныг хорлосон гэж та мэдэгдэж байсан? 

-Б.Батбаяр бол сая олимпод ганцхан зорилготой очсон. Тэр нь "хэрэв С.Батцэцэг медаль авах юм бол би мөрөн дээрээ суулгаад гүйнэ шүү" л гэсэн. Өөрөөр энэ хүн холбоонд юу ч хийхгүй байгаа. "Олимпод есөн тамирчин явснаас найм нь финалдсан" гэж яриад байгаа. Финалдана гэдэг чинь хүрлийн төлөө тоглоно гэсэн үг шүү дээ. Гэтэл найман тамирчнаас гурав нь цэвэр ялагдсан. Гэхдээ би тамирчдаа муу хэлэхгүй.  

Тамирчин нь ямар мэх хийхийг энэ хүн мэдэхгүй. С.Батцэцэг ямар мэх хийхийг мэдэхгүй хүн шд. Иймдээ олимпоос хойш холбоогоор үзэгдээгүй. Одоо байгаа таван дасгалжуулагч нь түүнд бөлдөгдүүлчихсэн. 

П.Орхоны хувьд би Б.Батбаярт салаавч өгч байгаад хэлж байсан, "Орхоныг чи хорлосон шүү" гэж. Б.Батбаяр болохоор "Орхоноос илэрсэн сэргээш бол зөвхөн тариагаар хийдэг юм байна" гээд байгаа. Б.Батбаяртай 2016 оноос хойш харьцаж байсан мсжүүдээ би Дэлхийн аваргын дараа ил болгоно. Юутай ч хэдэн хүүхдүүд минь хэл амгүй яваад ирэг. Надтай нэг удаа "Орхоныг би хорлочихоод чамд мөнгө олж өгөх ёстой юу?" гэж хэлж байсан хүн шүү. 

Би бол Б.Батбаярын дэргэд сургуулийг нь төгссөн мэргэжлийн дасгалжуулагч. 20 хэдэн жил дасгалжуулагч хийж байна. 

---