Монгол Улсын Их Хурлын сонгуулийн тухай хуулийн 38 дугаар зүйлийн 38.8 дахь заалтын дагуу УИХ-ын сонгуулийн 18, 28 дугаар тойрогт явагдах УИХ-ын гишүүний нөхөн сонгуульд нэр дэвшигчид мөрийн хөтөлбөр, материалаа өнөөдөр Сонгуулийн ерөнхий хороонд хүргүүлж байна. Материалаа хүргүүлэх хуулийн хугацаа ийнхүү өнөөдөр дуусаж байгаа юм.

Сонгуулийн ерөнхий хорооны Хэвлэл, мэдээлэл олон нийттэй харилцах хэлтсийн дарга Б:Оюумаа: Өнөө өглөө хоёр нам, нэг бие даагч баримт бичгээ авчирч өгсөн. Сонгуульд оролцох хүсэлтээ илэрхийлсэн 9 нам, нэг эвсэл байгаа. Бие даагчдын хувьд сонгогчийн гарын үсгээ цуглуулсан байгаа. Харин нөхөн сонгууль болох хоёр тойргийн сонгуулийн зохион байгуулалтын ажилд нийт 900 гаруй сая төгрөг зарцуулахаар болсон. СЕХ-ны хувьд сонгуулийн ажлыг цаг тухайд нь хийгээд явж байгаа. Хэнтий аймгийн 18 дугаар тойрог нь 89 хэсэгтэй 47 орчим мянган сонгогчтой. СХД-ийн 28 дугаар тойрог нь 59 хэсэгтэй сонгогчдын тоо хараахан ирээгүй байна гэсэн юм. 

---