АНИМЭ
СПОРТ
ХӨГЖИМ
™ watch
Нийгэм | 2 сарын өмнө

Б.Бат-Эрдэнэ: ШТС-аас авсан шинжилгээний дээжийн 76 хувь нь чанарын шаардлага хангаагүй

Нийтэлсэн
2 сарын өмнө


Сурталчилгаа
Нийтэлсэн:   Т.Мягмар
2 сарын өмнө

ШӨХТГ-аас шатахууны компаниудад 234 сая төгрөгийн торгууль ногдуулсан болон 2018-2021 оны шалгалтуудад зөрчил давтагдсан ААН-үүдийн тусгай зөвшөөрлийг цуцлуулах саналыг Уул уурхай хүнд үйлдвэрийн яам, Ашигт малтмал, газрын тосны газарт хүргүүлж буй зэрэг шатахуунтай холбоотой хяналт, шалгалтын талаар мэдээлэл хийлээ.

Шударга өрсөлдөөн, хэрэглэгчийн төлөө газрын дарга Б.Бат-Эрдэнэ "ГЕГ, ИНЕГ, МХЕГ, Газрын тосны газартай хамтран  шалгалт хийж гүйцэтгэлээ. Улаанбаатар хотод үйл ажиллагаа явуулж буй 28 ААН-ийн 19 агуулах, 10 вагон, 17 ШТС-аас түүвэрчилсэн нийт 76 дээжийг авч, АМГТГ-ын Уул уурхай газрын тосны төв лаборатори, Иргэний нисэхийн үндэсний төвийн оношилгоо хэмжил зүйн лабораторид хүлээлгэн өгсөн.

Дүгнэлтээс дурдвал:

Шинжилгээ хийсэн 32 дээжээс 13-т нь октаны тоо стандартад зааснаас бага эсхүл их тодорхойлогдсон. 10 ААН зөрчилтэй гарсан.
Долоон дээжид механик хольц тодорхойлогдсон. Зургаан ААН зөрчилтэй гарсан.
Есөн ААН-ийн АИ-92 бензиний октаны хэмжээ бага байсан.
Дизель түлшний цитаны тоо бага, хувийн жин бага байсан зөрчлүүд илэрсэн.
Механик хольц гэдэг нь тээвэрлэх, дамжуулах, хадгалах шатанд технологийн аргачлал стандартаа баримтлаагүйн улмаас чанар алдагдах, бохирдохыг хэлнэ. Үүнд зэв, шороо, тунадас зэргийг оруулж ойлгож болно. Ийм механик хольцтой шатахуун машинд эвдрэл үүсгэнэ.

Түүнчлэн одоогийн байдлаар Монгол Улсад хуурамч шатахуун тогтоогдоогүй. 

Олон улсад шатахууны чанарыг шалгадаг 18 үзүүлэлт байдгаас Монгол Улс өнөөдөр 14 үзүүлэлтийг л шинжилж чадаж байгаа. Энэ 14-өөс зөрчил илэрсэн есөн үзүүлэлт байна. 2018-2021 оны шалгалтуудад зөрчил давтагдсан ААН-үүдийн тусгай зөвшөөрлийг цуцлуулах саналыг УУХҮЯ болон Ашигт малтмал, газрын тосны газарт албан ёсоор хүргүүлнэ.

2020 оны хоёрдугаар сард МХЕГ-аас УУХҮЯ-нд зарим ААН-ийн тусгай зөвшөөрлийг хүчингүй болгох нь зүйтэй гэсэн албан шаардлага хүргүүлсэн ч энэ ажил одоог хүртэл яаманд хийгдээгүй” гэв.

Сурталчилгаа

Манай хуудсыг дагаарай!


Сэтгэгдэл (2)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
2 сарын өмнө
202.179.25.185

энэ чинь юу гэсэн үг вэ? Монголд тэгээд шатахуун гэж юу оруулж ирж байна аа. Гадаадын нийлүүлэгч нар луу чанрын гомдол гаргах ёстой юм биш үү. Аль компанийн импортолж байгаа шатахуун чанар тохирохгүй байгааг нь ил тод зарлаачээ.

Зочин
2 сарын өмнө
203.23.199.236

Zorchiltei companiudiig neriig zarlana u!? Haanaas avahaa shiidmeer bna

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.