Баянзүрх дүүргийн нийт 17 хороонд 3,057 гэрэлтүүлэг хийх ажлыг 5 дугаар сарын 19-нөөс эхлэн хэрэгжүүлж, гэрэлтүүлгийг үе шаттайгаар шинээр суурилуулж байна.

Уг ажлын хүрээнд эхний ээлжид 5, 9, 23, 28 дугаар хороонд гэрэлтүүлэг угсарч байгаа бөгөөд ажлын явц 90 хувьтай байгаа юм.

Баянзүрх дүүргээс сонгогдсон УИХ-ын гишүүн Э.Бат-Амгалан болон бусад гишүүдтэй уялдаа холбоотой ажиллаж чадсаны үр дүнд гэр хороолол, нийтийн эзэмшлийн зам талбайн гэрэлтүүлгийн "Дэд бүтцийн хөгжил- Баянзүрх"-ийг хэрэгжүүлж байгаа аж. Үүний хүрээнд 3, 5, 6, 8, 9, 10, 11, 12, 13, 17, 19, 21, 23, 24, 25, 27, 28 дугаар хороодыг бүрэн гэрэлтүүлэгтэй болгохоор төлөвлөөд байна.

Гэрэлтүүлгийн хувьд сүүлийн үеийн технологи бүхий эрчим хүчний зарцуулалт бага, гэрэлтүүлэх чадал өндөртэй бөгөөд шинэлэг загвартай аж.

---