БНСУ дахь Бельги улсын онц бөгөөд бүрэн эрхт элчин сайд Питер Лескухьегийн гэргий өнгөрсөн дөрөвдүгээр сард дэлгүүрийн худалдагчтай маргалдан, биед нь халдсан хэрэг гарсан. Үүний дараа тавдугаар сард Бельги улс элчин сайдаа энэ сарын сүүлээр эргүүлэн татахаар болсон билээ.

Гэвч элчин сайдын эхнэр Шиан Суэчю энэ даваа гарагт цэвэрлэгчтэй зүй бус харьцаж, дахин биед нь халдсан байна. Тиймээс Бельги улсын Гадаад хэргийн яам энэ сарыг дуустал хүлээх шаардлагагүй, нэн яаралтай элчин сайд Лескухьег гэргийн хамт гэрт нь буцаах шийдвэрээ танилцуулжээ.

Сөүл хотын Ганнам дүүрэгт даваа гарагийн өглөө 09:25 минутын үед хатагтай Шиан цэвэрлэгчийн биед халдсан явдал болсон. Цэвэрлэгч хог шүүрдэж байгаад шүүрээ Шиан хатагтайд санамсаргүй хүргэчихжээ. Гэтэл элчин сайдын эхнэр түүн рүү хашгачиж, хацар луу нь хоёр удаа алгадсан байна. Эрэгтэй хариуд нь Шианыг түлхэж, улмаар газарт унажээ. Цэвэрлэгч цагдаа дуудаж, хэргийг мэдүүлсэн байна.

Бельгийн элчин сайдын яам БНСУ-тай найрсаг харилцаагаа хэвээр хадгалахыг эрмэлзэж байгаа тул уг хэрэгт нэн даруй арга хэмжээ авахаа мэдэгдэлдээ дурджээ.

Эх сурвалж: CNN

---