Өнөөдөр өглөөний 07:00 цагаас улс орон даяар найм дахь удаагийн Монгол Улсын Ерөнхийлөгчийн сонгуулийн санал хураалт эхэллээ. 

Монголчууд цар тахын нөхцөл байдалд гурав дахь сонгуулиа зохион байгуулах гэж байна. Монгол Улсын Ерөнхийлөгчийн найм дахь удаагийн сонгуулийг цар тахлын үед, улс орон даяар 2087 хэсгийн хороодоор дамжуулж зохион байгуулна.

Улсын хэмжээнд 2 1151 329 сонгогч бүртгэлтэй байгаагаас түр хасах тэмдэглэгээтэй 110 773 иргэн байна. Нийт 2 040 557 иргэн саналаа өгөх юм. Өчигдөр/2021.06.08/ 25600 иргэн зөөврийн хайрцгаар саналаа өгсөн юм.  

Сонгууль зохион байгуулахад 18142 төрийн алба хаагч, 9500 гаруй цагдаагийн алба хаагч, 1300 гаруй эрүүл мэндийн ажилтан ажиллаж байна.

Энэ удаагийн сонгуулийн онцлог нь хурууны хээгээр бэхэн тэмдэглэгээ хийнэ. Мөн бүх саналыг тэр дор нь хяналтын тооллого буюу гараар давхар тоолох юм.

 

 

 

---