Зүүн 4 замаас Офицеруудын ордон хүрэх замын голын хэсэгт 2.3 км дугуйн зам барих ажил явагдаж байна. НЗДТГ-ын захиалгаар хийгдэж байгаа тус ажлыг дулааны шугам, кабель засварын ажилтай хамаатуулж, иргэд ташаа ойлгож байгаа аж.

Нийслэлийн төсвийн хөрөнгөөр зургаан байршилд нийт 16.34 км дугуйн зам тавих ажил үргэлжилж байна. Үүний нэг нь Баянзүрх дүүрэг, Энхтайваны өргөн чөлөө, Зүүн дөрвөн замын уулзвараас Офицеруудын ордон хүртэлх 2.57 км дугуйн замын ажлыг зарим иргэд дулааны шугам сүлжээний ажил хийгдэх гэж байна хэмээн сошиалд бичжээ.
Энэ талаар Барилгын ерөнхий инженер В.Эрдэнэбаяр: Хуучин явган хүний замын хавтанг хуулж, 3 метр өргөн, 2.3 метр дугуйн зам тавьж байна. Ирэх есдүгээр сараас өмнө нь хийж гүйцэтгэж дуусна. Энд дулааны шугам сүлжээний ажил хийгдээгүй. Ер нь 2008 оноос хойш газар шорооны ажил хийгдээгүй гэлээ.
Иргэд: Дугуйн зам тавих нь хэрэгтэй. Замын хоёр талаар дугуй явахад маш их хүндрэлтэй байдаг. Ногоон байгууламжийн дундуур дугуйн зам тавьснаар зам тээврийн осол багасна.

---