Сүүлийн 24 цагт нийслэл хотын гудамж, замд байрлах хяналтын төхөөрөмжид Замын хөдөлгөөний дүрэм зөрчсөн нийт 2209 зөрчил бүртгэгдсэний 1490 чиглэлийн тээврийн хэрэгслийн эгнээгээр зорчсон, 551 түр зогсох журам зөрчсөн, 98 тээврийн хэрэгслийн хурдыг тогтоосон хязгаараас хэтрүүлсэн, 70 “E-Police” гар утасны аппликейшн ашиглан иргэдээс ирүүлсэн цахим зөрчлүүдийг хүлээн авч, бэлэн бус хэлбэрээр торгууль оногдуулах журмын дагуу бүртгэж, баримтжуулан, шийтгэл оногдуулсан талаарх мэдээллийг тээврийн хэрэгслийн эзэмшигчийн Автотээврийн үндэсний төвд бүртгэлтэй гар утсанд мессеж хэлбэрээр илгээсэн байна.
Мессежээр зөвхөн зөрчил үйлдсэн гэх мэдээллийг илгээх ба дэлгэрэнгүй мэдээлэл, шийтгэлийн хуудсыг Замын хөдөлгөөний удирдлагын төвөөс буюу Нийслэлийн нутгийн захиргааны IV байр, 9 давхар 903 тоотоос, www.torguuli.police.gov.mn, www.smartcar.mn цахим хуудаснаас авах юм.
Тээврийн хэрэгслийн эзэмшигч та Автотээврийн үндэсний төвд хандан бүртгэлтэй утсаа баталгаажуулан, замын хөдөлгөөнд дүрмийн дагуу оролцоорой.

---