Өчигдөр орой 10 настай Н.Мичидмаа охин Ханын материал дахь гэрээсээ долоон настай дүүдээ “Би гурав хоногийн дараа ирнэ” гэж хэлээд, чемодантай хувцсаа авч гараад алга болсон талаарх мэдээлэл гарсан.

Мэдээллийн дагуу охины ээжтэй утсаар холбогдоход "Н.Мичидмаа охин маань гэрийнхээ ойролцоох хотхоны тоглоомын талбайгаас сая олдсон. Яагаад гэрээсээ явсан талаарх мэдээллийг өгөх боломжгүй байна. Охиныг минь цаг алдалгүй олж өгсөн СХД-ийн цагдаагийн газрын нэгдүгээр хэлтсийн эрүүгийн цагдаагийн тасгийн хамт олондоо баярлалаа" гэв.

Албан бус эх сурвалжийн мэдээллээр 10 настай охин хамгийн сүүлд ээжийнхээ утсаар “Онлайн ажил” гэх группт “Онлайн ажилд хүн зуучилна” гэж бичсэн байна. Охиныг өөр хүн гэрээс нь дуудаж гаргасан эсэх мэдээлэл одоогоор тодорхой биш байгаа юм. Эцэг эхчүүд хүүхдийнхээ интернэт орчны хэрэглээнд анхаарч, хяналт тавьж байх хэрэгтэй байна.

---