"Хаппи веритас"  эмнэлгийн зөвлөх эмч, АУ-ны доктор, хүний их эмч Ж.Амарсанаа үе мөчний өвчлөлийн талаар зөвлөгөө өглөө.

-Монголчуудын дунд үе мөчний өвчлөл хэр их байдаг вэ?

-Үе мөчний өвчлөл маш түгээмэл өвчлөл. Гурван гол шалтгаанаас болж үе мөчний өвчлөл үүсдэг. Нас ахих тусам үе мөчний хоорондын зай ойртож, яс хоорондоо хавиралдаж, өвтгөж эхэлдэг.

Хоорондын жийрэг мөгөөрснүүд нь элэгдэж, хагарч, хугарснаас үүдэн үе мөч өвддөг. Нас ахих тусам энэ шинж тэмдэг илэрдэг. Дээрээс нь таргалалт хүний биеийн жин ихсэх тусам зарим үе мөчүүдэд илүү их ачаалал үүсэж, өвдөгний үе хоорондоо хавиралддаг.

Хоолойн ангинаас болж үе мөч руугаа орно гэж ярьдаг. Хоолой өвдөөд дутуу эмчилснээс болоод бактерийн гаралтай өвчин үүсдэг.

Дархлааны гажуудалтай хэрх гэж өвчин байгаа. Хэрх өвчин нь 40-ээс дээш насны эмэгтэйчүүдэд түлхүү тохиолддог.

Буруу хооллолтоос үүдэлтэй тулай гэж өвчин байгаа. Үе мөчний шингэн дотор байдаг талст хуримтлагдаад тэр талст нь хатуу зүү шиг, элсэн чихэр шиг хатуу болж хувираад үе хооронд үрж өвтгөж эхэлдэг. Тулай бол хөлийн эрхийн хуруунд хамгийн их тохиолдог өвчин. Тулайг сэдрээдэг зүйл бол архи байгаа.

Сүүлийн үед эрүүл мэндийн даатгалаар хөнгөлттэйгээр эмчилж эхэлсэн. "Хаппи веритас" эмнэлгийн хувьд үе мөчний өвчлөлийг даатгалаар эмчилж байгаа. Энэ төрлийн өвчний эмийг даатгалаар 50 хувь хөнгөлж байгаа нь сайшаалтай.

-Мах их хэрэглэснээр тулай өвчин сэдэрдэг гэдэг?

-Махны хэрэглээ ихэснээр цусан дахь шээсний хүчил ихэсдэг юм. Тулай гэдэг зүйл чинь шээсний хүчлээр талстдаг тул үе мөчийг гэмтээдэг. Мах, архи уудаг бол шингэн төлөвт байсан шээсний хүчил маань талсжаад элсэн чихэр, зүү шиг болж үений мөгөөрсийг гэмтээж, асар хүчтэй үрэвсэл өгч эхэлдэг. Үүнээс болж үе мөчний өвчлөл нэмэгддэг.

Биеийн ачааллыг буруу зохицуулснаар нуруу, хүзүү өвддөг. Бариа заслын аргаар эмчилж болдог. "Хаппи веритас" эмнэлгийн хувьд уламжлалт эмнэлгээрээ дамжуулан хөнгөлөлттэй үнээр үйлчилгээ үзүүлдэг.

-Хэрхэн оношилж болох вэ?

-Биохимийн шинжилгээнээс шээсний хүчлээ харж болно. Рентген, компьютерт томографаар үзүүлж болно.

---