Хөшигийн хөндийн хурдны зам нь 32.2км урт, асфальт бетонон хучилттай, зорчих хэсгийн өргөн 31м, хоёр урсгал, зургаан эгнээ зорчих хэсэгтэй, БНХАУ-ын нэн хөнгөлөлттэй 140.3 сая ам.долларын зээлээр  2019 онд тавьж, ашиглалтад оруулж байсан. Гэтэл ашиглалтад орохоосоо өмнө 200м орчим хагарч, ангал үүсээд байна. 

Зам, тээврийн хөгжлийн яам болон БНХАУ-ын “Чайна Тэйсэжү Сивил Инженеринг Групп” ХХК-ийн хооронд 2015 оны 9 дүгээр сарын 18-ны өдөр байгуулж, 2016 оны 6 дугаар сарын 6-ны өдөр эхлүүлсэн бөгөөд туслан гүйцэтгэгчээр үндэсний аж ахуйн нэгжүүд болох “Бадрах Ойл” ХХК, “Эрдэнэ зам” ХХК, “Арж Капитал” ХХК-иуд тус тус ажиллажээ. Уг төслийн ажлын нийт өртөг нь 140,3 сая ам.доллар бөгөөд барилгын ажлыг 3 жилийн хугацаанд гүйцэтгэж, 2019 оны 7 дугаар сарын 03-ны өдөр улсын ашиглалтад оруулаад байсан юм. 

Бид удахгүй та бүхэндээ ЗТХЯ-наас энэ талаар тодруулж мэдээлэх болно. 

---