Өнөөдөр буюу тавдугаар сарын 26-нд Бурхан багшийн Их дүйчэн өдөр тохиож буй тул бүх нийтээр амарна. НИТХ-ын тогтоолд автомашины дугаарын хязгаарлалт амралтын өдрүүд болон бүх нийтээр тэмдэглэх баярын өдрүүдэд үйлчлэхгүй хэмээн заасан байдаг. Иймд өнөөдөр дугаарын хязгаарлалт үйлчлэхгүй юм. 

ТЦА-ны Г.Отгонтамир: Бурхан багшийн их дүйчэн өдөртэй холбоотой хөдөлгөөний ачаалал их байна. Томоохон зах худалдааны төв руу болон Баруун дөрвөн замаас Гандантэгчэлин хийд руу чиглэсэн хөдөлгөөн их байна. Сүсэгтэн олныг Гандантэгчэнлин хийд руу оруулахгүй байгаа тул тийшээ зорчихгүй байхыг зөвлөж байна. 

Тээврийн цагдаагийн албанаас бага насны хүүхдийг зам тээврийн ослоос урьдчилан сэргийлэх арга хэмжээг хэрэгжүүлж байна. Он гарсаар 74 хүүхэд зам тээврийн осолд өртсөнөөс 11 хүүхэд амь насаа алдсан. Нийт зам тээврийн ослын 97.3 хувь нь жолоочийн буруутай үйлдлээс болдог. Иймд анхаарал болгоомжтой хөдөлгөөнд оролцохыг нийт жолооч нартаа зөвлөж байна. 

---