Манай улс хамгийн анхны Ерөнхийлөгчийн сонгуулиа 1993 онд зохион байгуулснаас хойш өдгөө найм дахь удаагийн Ерөнхийлөгчийн сонгуулиа зохион байгуулах гэж байна. Бид өмнө нь 1993, 1997, 2001 оны Ерөнхийлөгчийн сонгуулийн түүхэн мэдээлүүдийг хүргэсэн бол энэ удаад 2005 оны мэдээллийг хүргэж байна.

2005 оны Ерөнхийлөгчийн сонгуулийг тухайн оны 5-р сарын 22-ны өдөр улс орон даяар зохион байгуулжээ.

Сонгогчдын тоо: 1.241.691

Сонгогчдын ирц: 74,98%

Нэр дэвшигчид:

МАХН-Намбарын Энхбаяр 53.44%

АН-Мэндсайханы Энхсайхан 20.05%

БНН-Базарсадын Жаргалсайхан 13.83%

ЭОН-Бадарчийн Эрдэнэбат 11.33% нар өрсөлдөж 53,44%-ийн санал авсан Н.Энхбаяр Монгол Улсын гурав дахь Ерөнхийлөгчөөр сонгогдож байв.

Хамгийн анхны сонгуулийн зардлаас 25 дахин өссөн зардал буюу 636,2 сая төгрөг 

2005 оны Ерөнхийлөгчийн сонгуулийн 636 212 180 төгрөгөөр тогтоож, нийт зардлын 136 212 180 төгрөгийг Засгийн газрын нөөц сангаас гаргаж байжээ.

Энэ нь дөрвөн жилийн өмнөх/2001/ сонгуулийн зардал/462,5 сая/-аас 179 сая төгрөгөөр, хамгийн анхны /1993 он/ сонгуулийн зардал /40 сая төгрөг/-аас даруй 25 дахин өсжээ.

 

Харин сонгогчдын ирц 2005 онд 74,98% болсон нь хамгийн анхны сонгуулиас 20 хувь, дөрвөн жилийн өмнөхөөс 10 хувь буурсан үзүүлэлт болжээ.

2005 онд Ерөнхийлөгчийн сонгуулийн сурталчилгааг 04-р сарын 05-нд эхлүүлж нэр дэвшигчид нэг сар 15 хоногийн хугацаанд мөрийн хөтөлбөр, төлөвлөгөөгөө танилцуулан өрсөлдөж байжээ.

---