Хан-Уул дүүргийн Засаг даргын Тамгын газар нь “Гүүднэйборс” ОУ-ын байгууллагатай 2013 оноос хойш боловсрол, ундны ус, эрүүл мэнд, орлого нэмэгдүүлэх хөтөлбөрийн хүрээнд хамтын ажиллагааны санамж бичиг байгуулан хамтран ажиллаж байна.

Хамтын ажиллагааны хүрээнд “Гүүд Нэйборс” ОУ-ын байгууллагатай хамтран дүүргийн 4,5,6 дугаар хорооны Өрхийн эрүүл мэндийн төвүүдэд “Хүүхдийн дархлаажуулалтын өрөө”-ний засвар болон тохижилтын ажлыг хийж гүйцэтгэлээ. 

Тус Өрхийн эрүүл мэндийн төвүүд жилд дунджаар 0-15 насны 13279 хүүхдэд эрүүл мэндийн анхан шатны болон нийгмийн эрүүл мэндийн тусламж үйлчилгээг үзүүлдэг.

“Гүүднэйборс” ОУ-ын байгууллагын “Хүүхэд ивээн тэтгэх хөтөлбөр”-т Хан-Уул дүүргийн 4, 5, 6 дугаар хорооны 800 гаруй өрхийн 1500 орчим хүүхэд хамрагдаж байна.

---