Улсын хэмжээнд сүүлийн 24 цагт 23 лабораторид хийсэн шинжилгээгээр 639 хүнд коронавируст халдвар илэрчээ. Шинээр батлагдсан тохиолдлуудын 630 нь дотоодод бүртгэгджээ. Үүний нь 593 нийслэлд, 30 нь орон нутагт бүртгэгдсэн бол эмнэлгээс шалтгаалах 9 тохиолдол  батлагджээ.

Ингэснээр Монгол Улсын хэмжээнд “COVID-19” халдварын батлагдсан тохиолдол  45 мянга 459 болж байна. Сүүлийн 24 цагт 1287  хүн эмнэлгээс гарснаар, нийт эдгэрсэн хүний тоо 32 мянга 660 боллоо.  

Түүнчлэн коронавируст халдварын улмаас  найман хүн өчигдөр нас баржээ. Манай улсад коронавируст халдвараар  нийт 170 хүн эндээд байна. Тиймээс эрсдэлтэй насны бүлгийнхэн олон хүн цугларсан газраар аль болох явахгүй байх, хөдөлгөөнөө хязгаарлахыг ЭМЯ-наас сануулав.

Нас барсан иргэдийн хувьд: 

• 71 настай 4 сарын 15-нд онош нь батлагдаж
• 78 настай эрэгтэй, Турк улсаас 4 сарын 10-нд ирээд 4 сарын 12-нд онош батлагдсан
• 71 настай эмэгтэй 4 сарын 22-нд онош нь батлагдсан
• 81 настай эрэгтэй 4 сарын 23-нд онош нь батлагдсан
• 59 настай эрэгтэй 4 сарын 29-нд нь онош нь батлагдсан
• 49 настай эрэгтэй 5 сарын 3-нд онош нь батлагдсан
• 89 настай эмэгтэй 5 сарын 8-нд онош нь батлагдсан
• 73 настай эрэгтэй 4 сарын 30-нд онош нь батлагдаж эмнэлэгт хэвтэж байгаад коронавирусийн нэн хүнд хэлбэрээр нас баржээ.

 

---