Улсын хэмжээнд сүүлийн 24 цагийн хугацаанд хийсэн шинжилгээгээр 1015 хүнээс коронавирус илэрчээ. Өнөөдрийн байдлаар, манай улсад “COVID-19” халдварын тохиолдлын тоо 40396 болж байна. 

Түүнчлэн коронавируст халдварын нэн хүнд хэлбэрээр 7 хүн өчигдөр нас баржээ. Ингэснээр манай улсад коронавируст халдварын улмаас 126 хүн эндээд байна.

Шинээр бүртгэгдсэн тохиолдлыг задалбал:

• Улаанбаатарт-895 (35.326)
• Зөөвөрлөгдсөн-16 (Нийт-503) Дөрөвдүгээр сарын 26-нд Энэтхэг улсаас ирсэн иргэдийн хоёр дахь удаагийн давтан шинжилгээнээс илэрлээ. Эдгээр иргэд Дорноговь аймагт тусгаарлалтад байгаа.
• Эрүүл мэндийн ажилтан-1 (97)
• Орон нутагт-103 (4422)

Говь-Алтай-13, Говьсүмбэр-4, Дархан-Уул-14, Дорноговь-2, Завхан-23, Орхон-21, Өвөрхангай-3, Сүхбаатар-2, Сэлэнгэ-4, Төв-10, Ховд-3, Хөвсгөл-1, Хэнтий-2 тохиолдол батлагдаад байна. Өнгөрсөн хоногт эмнэлгээс 418, гэрийн ажиглалтаас 983 нийт 1401 иргэн бүрэн эдгэрчээ. Эдгэрсэн хүмүүсийг ялгаварлан гадуурхах явдлыг битгий гаргаач хэмээн ЭМЯ-наас анхаарууллаа. 

Өнөөдрийн байдлаар 4869 иргэн хэвтэн эмчлүүлж байна. Үүнээс хөнгөн 2717, хүндэвтэр 1545, маш хүнд 121 иргэн байна. 8200 гаруй иргэн гэрийн ажиглалтад байна.  

---