АШУҮИС-ийн Монгол анагаах ухааны төв эмнэлгийн захирал Ч.Батнайрамдалтай коронавирусийн халдварын үед уламжлалт анагаах ухааны эмчилгээг хэрхэн хийж байгаа талаар ярилцлаа.

Коронавирусийн халдварын үед уламжлалт анагаах ухааны тусламж үйлчилгээг үзүүлэх эмчилгээний түр зааврыг баталсан. АШУҮИС-ийн оюутны дотуур байрандаа хөнгөн болон хүндэвтэр оюутнуудыг хүлээн авч эмчилж байгаа. Өрнийн болон уламжлалт анагаах ухааныг хослуулж, эмчилгээ үйлчилгээндээ ашиглаж байна. Халдвартай иргэдийн гарын судас зэргийг барьж чадахгүй байгаа болохоор цус, шээс, рентгений зураг зэргийг харж, хатгалгаа үүссэн болон уушгинд нь сүүдэр үүссэн зэргийг харж оношилж байгаа.

IV/16-VI/16 буюу дэгжрэлийн үед амтлаг амтыг түлхүү хэрэглэх хэрэгтэй. Энэ үед биеийн тамир тэнхээ сул байдаг. Тэгэхээр биеийн эсэргүүцэл мууддаг тул дархлаагаа сайжруулахын тулд зөв идэж, уух, амрах хэрэгтэй.

Түүнчлэн гашуун эхүүн зүйлс бага хэрэглэж, шингэц сайтай идээ ундааг хэрэглэх нь чухал. Өрөө тасалгаа бүгчим байж болохгүй. Агаар солилцоог гэр орондоо маш сайн хийх хэрэгтэй. 

• Дэгжрэлийн үед биеэ сайн угааж, арьсны нүх сүвийг онгойлгож, амраах хэрэгтэй
• Мана-4 эмийг ширгээж ууж хэрэглэснээр вирусийн гаралтай халдварын хүндрэлээс урьдчилан сэргийлнэ
• Виферон мазыг хамартаа түрхэж, жамц давсаар хоолойгоо зайлж, содтой усаар хамраа угааснаар халдвараас сэргийлнэ.

---