ОБЕГ-ын Үндэсний аврах бригадын захирагч Д.Намсрай коронавирусийн халдвар авсан нь хоёр удаагийн шинжилгээгээр батлагдсан болохыг эх сурвалж хэллээ.

Хамгийн гол нь хоёр ч удаагийн шинжилгээ нь эерэг гарчихаад байхад тэрбээр албаны чиг үүргээ хэрэгжүүлж, үндэсний аврах багийн албан хаагчдад халдвар тараах эрсдэл үүсгэж байгааг тэрбээр нэмж хэлж байна.

Марш тактикийн тэмцээнд оролцохоор ирсэн Үндэсний аврах бригадын алба хаагчдыг халдвар хамгааллын дэглэмийг чанд бариулалгүйгээр мод чулууны ажилд оролцуулснаас үүдэн тус бригадын 17 алба хаагч коронавирусийн халдвар авсан тул ОБЕГ-ын харьяа “Жаргалант” сувилалд тусгаарлагдан эмчлэгдэж байгаа аж.

---