Их Британийн ханхүү, Эдинбургийн гүн Филип агсны оршуулга маргааш буюу бямба гарагийн 15 цагт эхлэх гэж байна. Коронавируст цар тахалтай холбогдуулаад амны хаалт зүүж, зай барих тул оршуулганд ердөө 30 хүн оролцоно гэдгийг мэдэгдэж байсан. Тэгвэл оршуулгад оролцох 30 ихэс дээдэс, гэр бүлийн гишүүдийн нэрийг Букинхэмийн ордноос зарлалаа.

Юун тэргүүнд Филипийн шарилыг ёслол хүндэтгэлтэйгээр Виндсор шилтгээнээс авч явахад хатан хаан Элизабетээс бусад нь алхана. Тэдний дөрвөн хүүхэд болох ханхүү Чарльз, Эндрю, Эдвард болон гүнж Анне нар эцгийнхээ шарилыг даган алхах юм байна. Мөн ач хөвгүүд нь болох ханхүү Уильям, Харри нар гэгээн Жоржийн сүм хүртэл Лэнд Ровер оршуулгын тэргийг явган дагана.

Оршуулгад оролцох хүмүүсийн хувцасны хувьд өглөөний болон өдрийн хувцаслалт, одон медалиуд зүүх ч гэлээ цэргийн дүрэмт хувцас өмсөхийг хориглосон.

Зочдын дунд хатан хааны гэр бүлийн Германы иргэн гурван хамаатан нь ирж оролцох юм байна. Мөн Филип, Элизабет нарын ойрын төрөл төрөгсдөөс гадна Филипийн дотны анд найз оролцоно гэж мэдээлжээ. Хатан хаан оршуулгад орох зочдын нэрийг сонгоход тун хэцүү бэрх байсан гэдгийг Букинхэмийн ордноос мэдэгдсэн юм. Анх 800 зочин сүмийн ёслолд урихаар төлөвлөсөн байсан ч Ковид-ын улмаас ердөө 30 хүн урихаар болсон. Тиймээс хатан хаан аль болох нөхрийнхөө гэр бүл, найз нөхөд дундаас салбар бүрийн төлөөллийг оролцуулах гэж хичээсэн гэжээ.

Ханхүү Филипийн оршуулгад оролцох зочдын нэрс:

1.    Хатан хаан Элизабет

2.    Уэльсийн ханхүү Чарльз

3.    Корнуоллын гүнгийн авхай Камилла

4.    Кэмбрижийн гүн Уильям

5.    Кэмбрижийн гүнгийн авхай Кэйт Мидлтон

6.    Сассексын гүн Харри

7.    Йоркийн гүн Эндрю

8.    Гүнж Биатрис

9.    Эдоардо Мапелли Моззт

10. Гүнж Евгени

11. Жэк Брүксбанк

12. Вессексийн гүн ханхүү Эдвард

13. Вессексийн гүнж Софи

14. Хатагтай Луйз Виндсор

15. Вискант Северн

16. Хатан хааны гүнж Анне

17. Дэд адмирал сэр Тимоти Лауренс

18. Петр Филипс

19. Зара Тиндалл

20. Майк Тиндалл

21. Снөүдоны гүн

22. Хатагтай Сара Чатто

23. Даниель Чатто

24. Глоустерын гүн

25. Кентийн гшн

26. Гүнж Александра

27. Бадены удмын ханхүү Бернхард

28. Донатусын ханхүү Гессний Лэндгрэйв

29. Хоэнлохе-Лангенбургийн ханхүү Филипп

30. Бирмийн Маунтбэттены гүнж

Эх сурвалж: ВВС

---