Өргөн хэрэглээний бараа бүтээгдэхүүний үнэ хөл хорионы үед нэмэгдсэн эсэх талаар “Барс” худалдааны төвөөс сурвалжлага бэлтгэлээ.

Тус худалдааны төвийн борлуулагч нарын хувьд хөл хорио, Монгол Улсын иргэн бүрд 300 мянган төгрөг өгсөнөөс болж, бараа бүтээгдэхүүний үнэ нэмсэн зүйл байхгүй гэлээ.

Харин хил хаагдсанаас болж, импортын бараа бүтээгдэхүүний хомсдол үүсэж, ховордсон учраас бараа бүтээгдэхүүний үнэ нийлүүлэгч талаас нэмэгдэлтэй ирж байна. Тэрнээс бол лангууны худалдагч нар дур мэдэн үнэ нэмсэн зүйл байхгүй гэсэн юм.

Иргэдийн хувьд бөөний худалдааны төвд бараа бүтээгдэхүүний үнэ тодорхой хэмжээнд нэмэгдсэн байгааг ч дурдаж байлаа. Түүнчлэн нарийн ногоо, өндөг тасарсан тул худалдаалахгүй байсан юм.

---