АНИМЭ
СПОРТ
ХӨГЖИМ
™ watch
Дэлхий дахинд, Ковид-19 | 1 сарын өмнө

Бутан Улс 16 хоногт бүх насанд хүрэгчийнхээ 93 хувийг вакцинжуулжээ

Нийтэлсэн
1 сарын өмнө

Нийтэлсэн:   О.Тэргэл
1 сарын өмнө

Гималайн нурууны зүүн хошуунд орших Бутан Улсад коронавирусийн эсрэг бүх нийтийн дархлаажуулалтын аян эхлээд 16 хоног өнгөрсний дараа тус улсын бүх насанд хүрэгчийн 93 хувь нь вакцины эхний тунгаа тариулаад байна.

Ингэснээр тус улс нь вакцинжуулалтын хурдаараа дэлхийд тэргүүлж байгаа Израил, АНУ, Бахрейн зэрэг улс орнуудын урд бичигдэх болжээ.

Бутан улсын цөөхөн хүн ам нь дархлаажуулалтыг хурдацтай зохион байгуулахад тусалсан хэдий ч гол нь Бутан анх "AstraZeneca" вакцины эхний 150 мянган тунг хөрш Энэтхэг улсаас өнгөрсөн 1 дүгээр сард авсан аж.

Дархлаажуулалтын кампанит ажлын үеэр вакцин тариулж чадаагүй хүмүүс одоог хүртэл хамрагдах боломжтой бөгөөд тус улс нь нийт хүн амдаа хүрэлцэх вакцины нөөцтэй гэж Эрүүл мэндийн яамны нарийн бичгийн дарга, доктор Пандуп Церинг мэдэгджээ.

Бутан улсад одоогийн байдлаар коронавирусийн халдварын 910 тохиолдол бүртгэгдэн, нэг хүн нас бараад байгаа юм.

Эх сурвалж: Associated Press


Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.