Шадар сайд С.Амарсайхан өнөөдөр ХӨСҮТ-ийн хүчилтөрөгчийн төвд ажиллалаа. Коронавирусийн халдвар авсан иргэдэд хүчилтөрөгчийн хангамж хүргэх төвийн үйл ажиллагаа хэрхэн явагдаж байгаатай танилцсан байна.

ХӨСҮТ нь жирийн үед 20 орчим баллон хүчилтөрөгч ашигладаг байсан бол коронавирусийн халдвар идэвхтэй тархсан энэ үед хоногийн хэрэглээ 80-100 балланд хүрч өссөнийг ХӨСҮТ-ийн захирал Л.Баттөр Шадар сайдад танилцууллаа.

Коронавирусийн халдвар авсан иргэнд амьсгалын замын цочмог дутагдал бий болсны улмаас амь насаа алддаг байна. Тэрхүү хүнд хэлбэрийн өвчлөлтэй иргэнийг хүчилтөрөгчийн аппараттай холбож амь насыг нь авардаг тул тус төвийн үйл ажиллагааны явцтай Шадар сайд С.Амарсайхан танилцсан байна.

---