АНИМЭ
СПОРТ
ХӨГЖИМ
™ watch
Дэлхий дахинд | 1 сарын өмнө

Ким Жон Ун ард иргэдээ хямралд бэлэн байхыг сануулав

Нийтэлсэн
1 сарын өмнө

Нийтэлсэн:   Г.Ганчимэг
1 сарын өмнө

Умард Солонгосын удирдагч Ким Жон Ун ард иргэдээ хүнд хэцүү цаг үеийн эдийн засгийн хямралд бэлэн байхыг санууллаа. Удирдагч Ким Жон Уны мэдэгдлийн өмнөхөн хүний эрхийн байгууллагууд Умард Солонгос урьд өмнө байгаагүй хүнсний хомсдол, эдийн засгийн хүнд үетэй нүүр тулж байгааг анхааруулсан байна.

Хөдөлмөрчдийн намын бага хурал дээр Ким Жон Ун 1990-ээд оны өлсгөлөнгийн үетэй адил хүнд цаг үе ирсэн тухай ярьжээ. Коронавируст цар тахлын улмаас хилээ хаасан тул эдийн засгийн гол хөдөлгөгч хүч Хятадтай худалдаа наймаагаа зогсоогоод байгаа юм. Цар тахлаас өмнө Пхеньяны цөмийн хөтөлбөрийн хүрээнд олон улсын эдийн засгийн хориг хэрэгжсэн нь Умард Солонгосын эдийн засгийг хэдийнээ тогтворгүй болгосон.

Олон улсын хэвлэлүүд удирдагч Ким Жон Ун улс орон нь түүхийнхээ хамгийн хүнд цаг үетэй нүүр тулж байгааг анх удаа хүлээн зөвшөөрлөө хэмээн бичиж байна.

. Умард Солонгосын түүхэн дэх “бэрх гуравдугаар сар” нь 1990-ээд оны эхэнд ЗХУ тусламж дэмжлэгээ зогсоох үед тохиолдож байсан юм. ЗХУ-ын амь залгуулж байсан хүнсний дэмжлэг зогссоноор Умард Солонгосын гурван сая иргэн өлбөрч үхэж байжээ.

Умард Солонгосын Хятадтай хиллэдэг тосгодод хууль бус наймаа хүчээ аван цэцэглэжээ. Эрдэнэшиш, хоолны үндсэн материалын үнэ өсч, кг эрдэнэшиш хөдөлмөрчдийн сарын цалингаас ч илүү болсон гэж эх сурвалжууд мэдээлж байна. .  

Эх сурвалж: ВВС


Манай хуудсыг дагаарай!


Сэтгэгдэл (2)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Ухаарал
1 сарын өмнө
202.126.89.47

Бодит байдлыг мэдрэхгүй хүн гэвэл энэ хүн монголд Эрдэнэ гэдэг хүн хоёр шивдээ

kim
1 сарын өмнө
192.82.77.125

ene muuhai targan yum hamag hool hunsiig ni idchihsen q uur tsaraitai

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.