Ардчилсан нам нийт гишүүдээсээ сонгогдсон найм дахь дарга Одонгийн Цогтгэрэлийг 4-р сарын 3-ны өдөр болсон ээлжит бус их хурлаараа ёсчлон батламжилсан.

Түүнээс хойш тав дахь өдрөө буюу өнөөдөр Улсын дээд шүүхэд бүртгүүлж, албан ёсоор баталгаажуулахаар санал өгсөн 70 гаруй мянган гишүүний гарын үсэг,  АН-ын нийт гишүүдийн бүртгэл зэрэг холбогдох 13 мянган хуудас бүхий материалыг Улсын дээд шүүхэд хүлээлгэн өгсөн.   

Харин Ардилсан намын анхан шатны 31 нэгжийн дарга нар "Бүтэн ардчиллын төлөө" О.Цогтгэрэлийг дэмжинэ гэдгээ илэрхийлжээ. 

Өчигдөр буюу 4-р сарын 7-ны өдөр АН анхны хурлаа хийн, үүсгэн байгуулагдсан түүхэн ойн өдрөө тэмдэглэсэн. Энэ үеэр АН-ын 21 аймаг, 9 дүүрэг дэх АН-ын дарга нар шинэ дарга Одонгийн Цогтгэрэлийг дэмжиж, түүний санаачилсан “БҮТЭН АРДЧИЛЛЫН ТӨЛӨӨ ХАМТДАА” уриалгыг дэмжин, намынхаа шинэчлэл, Монголын ардчиллын төлөө хамтдаа шүү гэдгээ илэрхийлэн, мэндчилгээ дэвшүүлсэн.

Үүнээс харахад 31 жилийн түүхтэй АН-ын талцсан маргаан ийнхүү нэг тийш шийдэгдэх боломж бүрдэж байгаа аж. Сонирхуулахад Улсын дээд шүүх хуулийн хугацаа буюу 14 хоногийн дотор АН-ын дарга Одонгийн Цогтгэрэлийг бүртгэх асуудлыг эцэслэх юм байна.

---