Монголын үндэсний олимпын хорооны Ёс зүй болон Тамирчдын комиссоос хамтран зохион байгуулж буй "Ёс зүй, ёс суртахуун" сургалтын хоёр дахь цуврал лекц өнөөдөр болох хуваарьтай байжээ.

Гэвч МҮОХ-ны Ерөнхийлөгчийн ёс бус үйлдэлтэй холбоотойгоор уг лекц хуваарийн дагуу болоогүй байна.

МҮОХ-ны албан ёсны пэйж тавигдсан ёс зүйн сургалтын зарлалын дор олон иргэд "Арай л оройтчихож дээ. Ерөнхийлөгчдөө тусгайлан маш сайн хичээл орчихгүй дээ. Хэрэв дээгүүр доогуур гүйж байгаад #ялгүй мултраад ирвэл заавал сургалт ороорой за.", "Найзыгаа сэхээнд ортол зоддог даргаараа уучлалт гуйлгачих! Дараа нь хүн амьтан залж нь ёс зүйгээ яриарай" гэхчилэн шүүмжилсэн байв.

МҮОХ-ны Ерөнхийлөгч Н.Түвшинбаяр нэн даруй олимпын хорооны ерөнхийлөгчийн албан тушаалаасаа өөрийн хүсэлтээр огцрохгүй бол Токиогийн зуны олимпод Монголын баг тамирчид бүрэн бүрэлдэхүүнээрээ оролцож чадахгүйд хүрэх эрсдэл ч би болоод байгааг эх сурвалж хэлж байна.

---