Монгол Улсын Хөдөлмөрийн баатар, МУГТ, Монголын олимпын холбооны Ерөнхийлөгч Н.Түвшинбаяр нь өчигдөр ХУД-ийн нутаг дэвсгэрт Монгол Улсын өсөх идэр, өрнөн дэлгэрэх начин Э.Энхбатыг хэрцгийгээр зодож хүнд гэмтээлээ гэх хэрэг олныг цочирдуулаад байна.

Энэхүү аймшигт хэргийн талаар Улсын начин Э.Энхбатын гэргий Б.Нандинцэцэгээс тодруулахад "Н.Түвшинбаяр миний ханийг хэрцгийгээр зодож гэмтээлээ. Хань минь тархиндаа маш хүнд гэмтлүүд авч, тоолж баршгүй олон оёдол тавиулсан. Одоо ч гэсэн сэхээн амьдруулахад эмчлүүлж байна. Эмчилж буй эмч нар цаашид босож ирэх эсэхийг нь ч хэлж чадахгүй байна" гэв.

Сэжигтэн Н.Түвшинбаярт ХУД-ийн цагдаагийн нэгдүгээр хэлтэст хэрэг үүсгэн шалгаж, түүнийг эрэн сурвалжлах ажлыг эхлүүлээд байгаа юм байна.

---