Энэ зууны төгсгөл гэхэд зуны улирлын үргэлжлэх хугацаа уртасч, бараг хагас жил орчим болно гэсэн судалгаа гарчээ. Уг судалгаагаар 60 жилийн дараа дэлхий даяар зуны улирал 17 хоногоор уртасна гэж таамагласан байна.

Хятадын эрдэмтдийн хийсэн судалгааг ахалсан Юпин Гуан цаг хугацаа өнгөрөх тусам зуны улирал илүү халуун, урт болохын зэрэгцээ өвлийн улирал богино, дулаан болж байгаа нь дэлхийн цаг уурын дулааралтай холбоотой гэжээ. Зуны улирал уртасч байгаа нь амралт зугаалгаар явахад таатай сонсогдож байгаа боловч энэ нь бидний эрүүл мэнд болоод хүрээлэн буй орчин, газар тариаланд ноцтой нөлөө үзүүлж болзошгүй ажээ.

Тухайлбал шумуулнаас гаралтай халдварт өвчин нэмэгдэх, харшил ихсэх, үр тарианы ургац удааширч болзошгүй юм байна. Зуны улирал уртассантай холбоотойгоор намар, хавар, өвлийн улирлууд эхлэх хугацаа ч хойшлогдоно.

1952 онд зуны улирлын үргэлжлэх хугацаа 78 байсан бол 2011 онд 95 болж нэмэгджээ. Энэ хугацаанд хавар, намар, өвлийн улирлуудын үргэлжлх хугацаа 124-өөс 115, 87-оос 82, 76-аас 73 хоног болж багассан байна. Улмаар 2100 он гэхэд жилийн хагаст нь зун болж, өвлийн улирал үргэлжлэх хугацаа хоёр сараар багассан байх ажээ.

Эх сурвалж: CNN

---