Тайваньд сушины сүлжээ зоогийн газрууд нэрэнд нь “гүй ю” буюу “яргай загас” гэсэн үг орсон бол таван найзынхаа хамт үнэгүй үйлчлүүлж, хүссэн хэмжээгээрээ суши идэх сурталчилгаа цацагджээ. Уг сурталчилгааг үзсэн залуучууд нэрээ солих үзэгдэл эрс нэмэгдсэн байна. Тиймээс эрх баригчид иргэддээ хандан нэрээ “яргай загас” болгон өөрчлөхгүй байхыг уриалжээ.

Засгийн газрын мэдээлснээр ойрын өдрүүдэд нэрэндээ “гүй ю” буюу “яргай загас” гэсэн үгийг оруулах хүсэлтэй  150 орчим залуу хандсан байна. Тайваний иргэд амьдралынхаа туршид гурван удаа нэрээ солих эрхтэй байдаг бөгөөд иргэдийг онц шаардлагагүй зүйлээс болж нэрээ солиулахад цаг хугацаагаа дэмий зарцуулахгүй байхыг уриалжээ.

TVBC телевизэд нэрээ солиулсан нэгэн оюутан ярилцлага өгчээ. Тэрээр “өнөөдөр өглөө би нэрээ Бао Чен Гүй Ю гэж өөрчлөөд бид хамтдаа 7,000 тайвань доллар буюу 200 гаруй ам.долларын суши, зоог идсэн” хэмээн ярьжээ. Бао Чен Гүй Ю гэдэг нь “тэсрэмтгий сайхан харагддаг яргай загас” гэсэн утгатай ажээ.

Түүнээс гадна үнэгүй суши идэхийн тулд залуус өөрсдийгөө яргай загасан ханхүү, солирын яргай загасны хаан, яргай загастай шарсан будаа зэрэг утгатай үгсээр нэрлэх болсон байна.

Эх сурвалж: The Guardian

---