ЭМЯ болон ХӨСҮТ-ээс Монгол Улс дахь коронавирусийн нөхцөл байдлын мэдээг 2021.03.12-ны өдрийн 09:00 цагийн байдлаар танилцууллаа.

Сүүлийн 24 цагийн хугацаанд нийт 19341 сорьцод шинжилгээ хийхэд коронавируст “Ковид-19” халдварын 103 шинэ тохиолдол илэрч, нийт батлагдсан тохиолдлын тоо 3664 боллоо. Гаднаас зөөвөрлөгдсөн нэг тохиолдол нэмж бүртгэгдэв. Истанбулаас өнгөрсөн сарын 25-нд ирсэн нэг иргэнээс халдвар илэрч зөөвөрлөгдсөн нийт тохиолдол 422 болов. 

Шинээр нэмэгдсэн тохиолдол нь:
• Улаанбаатар хотод -102
• Зөөвөрлөгдсөн -1 байна.

Улаанбаатар хотын нийт өвчлөл 2789 болсон бөгөөд сүүлийн 24 цагт 60 хүн эмчлэгдэж, нийт эдгэрсэн хүний тоо 2907 боллоо.
Шинээр халдвар авсан 103 хүнээс 92 нь ойрын хавьтал байна. Эдгээрээс 84 хүнд эхний шинжилгээгээр халдвар илэрсэн бол, 7 хүнд хоёр дахь удаагийн шинжилгээгээр илэрчээ. Мөн 11 хүний халдварын эх уурхайг тодорхойлох хавьтал судлалын үйл ажиллагаа явагдаж байна.
Эдгээр иргэдийн оршин суугаа байршил:

• Баянзүрх дүүрэг 6, 14, 25-р хороо,
• Сонгинохайрхан дүүрэг 5-р хороо,
• Чингэлтэй дүүргийн 6-р хороо,
• Сүхбаатар дүүргийн 1, 10, 15-р хороо 

Өнөөдрийн байдлаар ХӨСҮТ, Цэргийн төв эмнэлэг, Эх нярай, эмэгтэйчүүдийн үндэсний 2 дугаар төв, Завхан болон Төв аймгийн нэгдсэн эмнэлэгт нийт 740 хүн эмчлүүлж байна.

Сүүлийн өдрүүдэд Улаанбаатар хотод халдварын тохиолдол нэмэгдэж байгаа тул иргэд нийгмийн харилцаагаа аль болох багасгах. Олон хүн цугларсан газраар явахгүй байх. Томоохон хурал, цуглаан хийхгүй байх. Нэг дор арван хүн цуглуулахгүй байхыг ААН-үүд анхаарч ажиллахыг ХӨСҮТ-өөс анхааруулав. 

---