АНИМЭ
СПОРТ
ХӨГЖИМ
™ watch
Дэлхий дахинд | 1 сарын өмнө

Грекийн төвийн бүсэд 6 магнитудын хүчтэй газар хөдөлжээ

Нийтэлсэн
1 сарын өмнө

Нийтэлсэн:   Г.Ганчимэг
1 сарын өмнө

Грек улсын төвийн бүсэд лхагва гарагт 6 магнитудын хүчтэй газар хөдөлжээ. Аврах албаныхан газар хөдлөлтийн дараа нурсан байшингийн хог нурангин доороос иргэдийг аварсан байна.

Газар хөдлөлтийн голомт Элассона тосгоны ойролцоо, хөрсний гүний найман км-т бүртгэгджээ. Бүс нутагт хүчтэй чичирхийлэл мэдрэгдэж, иргэдийг гэртээ орохгүй байхыг сэрэмжлүүлсэн байна.

Уг газар хөдлөлт Балканы улс орнууд болох Албани, Косово, Монтенегро, Умард Македонид мэдрэгджээ. Үд дундын үед Грекийн Ларисса хотод байшин барилга савлаж иргэд гэр, албан газраасаа гарч гүйлджээ. Ларисса хотын ойролцоо байдаг Дамаси суурины оршин суугчид өнгөрсөн шөнийг хөлбөмбөгийн талбайд өнгөрөөсөн байна.

.

Дамаси сууринд сургуулийн барилга нурах үед тус сургуулийн багш 63 сурагч, 10 багшийг аварч гаргасан бөгөөд түүний баатарлаг үйлсийг Грекийн Ерөнхий сайд Кариакос Мицотакис сайшаан магтжээ. .

Туркийн Гадаад хэргийн сайд Мевлут Кавусоглу Грекийн Гадаад хэргийн сайд Никос Дендиас руу утсаар залгаж тусламж үзүүлэхээ мэдэгдэв. Грекийн газарзүйн байрлал газар хөдлөлтийн идэвхтэй бүсэд тооцогддог ба Элласонад хамгийн сүүлд 250 жилийн өмнө газар хөдлөлтийн хүчтэй чичирхийлэл бүртгэгджээ.

Эх сурвалж: The Guardian


Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Холбоотой мэдээ

     Анимэ сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.