Өнгөрсөн 24 цагийн хугацаанд 19507 хүнд шинжилгээ хийсэн. Үүнээс 44 хүний шинжилгээнээс халдвар илэрлээ. Нийт батлагдсан тохиолдол 3076 боллоо. Гадаадаас зөөвөрлөгдсөн тохиолдол байхгүй. Дотоодод халдвар авсан хүмүүсийн тоо 2557 болов. Халдвар авсан нийт 2455 эдгэрсэн бөгөөд сүүлийн 24 цагийн дотор 55 хүн эмчлэгдэж гэртээ гарчээ.

Сүүлийн 24 цагт шинээр халдвар авсан хүмүүсээс Улаанбаатар хотод 42, Завхан аймагт хоёр тохиолдол бүртгэгдлээ. Нийт халдвартай батлагдсан 44 хүнээс 42 нь ойрын хавьтал бөгөөд 21 голомт, 22 ойрын хавьтлаас илэрсэн. Хоёр хүний халдварын эх уурхайг тодорхойлохоор ажиллаж байна. Өнөөдрийн байдлаар 657 хүн эмчлэгдэж байна. Хоёр хүний биеийн байдал маш хүнд байна. Эмчлэгдэж байгаа хүмүүсийн биеийн байдал хүндэрч байна. Ялангуяа архаг, хууч өвчтэй хүмүүсийн өвчин сэдэрч хүндэрч байна.

Олон хүнтэй газар олноороо цугларах нь халдвар авах маш том эрсдэл болдог гэдгийг ард иргэд ойлгох хэрэгтэй. Та хэнтэй ч уулзсан бай зайгаар барих, амны хаалтаа зүүж харьцах хэрэгтэй. Ялангуяа олон хүнтэй худалдаа үйлчилгээний газруудад амны хаалтаа давхарлаж зүүж болно гэдгийг ХӨСҮТ-өөс зөвлөв. 

---