ОХУ энэ жил 30 шахам сансрын пуужин хөөргөнө гэж "Роскосмос" корпорацын Гүйцэтгэх захирал Дмитрий Рогозин өнгөрөгч бямба гарагт Ерөнхийлөгч Владимир Путинд мэдэгджээ.

Тэрээр "Бидний хуваарьт 29 сансрын пуужингийн хөөргөлт багтсан. Үүнээс гадна бид маш чухал төслүүдийг хэрэгжүүлэх болно. 45 жилийн дараа анх удаа Сарны хайгуулын ажлыг үргэлжлүүлэх гэж байна. Аравдугаар сард "Восточный" сансрын буудлаас Саран дээр буух анхны модулийг хөргөх болно. Илүү олон Сарны автомат туршилтууд явагдана . Эцэст нь жолоодлоготой хөтөлбөр эхлэх болно" хэмээн тайлагнасан юм.

Мөн Олон Улсын Сансрын Станц руу хоёр модулийг илгээх аж. Түүнчлэн "Ангара" сансрын пуужингийн туршилтыг үргэлжлүүлэх юм. Үүнээс гадна тойрог замын радар хөөргөх нь энэ онд хийгдэх хамгийн чухал төслүүдийн нэг гэж Дмитрий Рогозин онцолсон байна. Одоогийн ердийн хиймэл дагуулууд өтгөн манан дундаас гадаргын байдлыг харах боломжгүй байдаг аж.

Сонирхуулахад, тус улс 2020 онд 17 удаа сансрын пуужин хөөргөж, цэргийн зориулалттай пуужинг долоон удаа хөөргөсөн байна.

Эх сурвалж: TASS

---