Нийслэлийн иргэд 1800-1200 утсаар санал гомдлоо ирүүлж байна. 

Нийслэлийн засаг дарга бөгөөд Улаанбаатар хотын захирагч Д.Сумъяабазарын танилцуулснаар нийслэлийн хэмжээнд 458 дуудлага шуурхай дуудлагын утсанд ирснээс 10 орчим хувь буюу 45 дуудлага нь эрүүл мэндийн тусламж үйлчилгээтэй холбоотой байгаа бөгөөд нэг операторын хариулт өгсөн дундаж цаг нь 2 минут гаран байна. 

Мөн "Нэг хаалга-Нэг шинжилгээ" аянтай холбоотой дуудлага нийт дуудлагын 70 хувийг эзэлсэн буюу 320 дуудлага иржээ. Энэ нь шинжилгээний хуваарь болон аянтай холбоотой бусад мэдээллийг ЭМЯ, холбогдох дүүргүүдийн удирдлагуудтай хамтран яаралтай, ил тодоор иргэдэд хүртээх ажлыг дутуу дулимаг хийсэнтэй холбоотой гэж хотын дарга үзлээ. Тиймээс мэдээллийг иргэдэд нэн  даруй түгээхийг даалгажээ.

Иргэд 1800-1200 дуудлагын утсанд танин мэдэхүйн шинж чанартай асуултыг олноор ирүүлсэн байна. Хотын дарга "Нэг хаалга-Нэг шинжилгээ" аяныг зохион байгуулалтыг сайжруулж, иргэдийг хуваарийн тухай мэдээллээр бүрэн хангахыг шаардлаа. 

Ажилдаа явах гэж байгаа иргэд PCR шинжилгээнд заавал хамрагдсан байх шаардлагагүй гэж үзжээ. Энэ нь халдвар илрээгүй ногоон бүсэд халдварын тархалт харьцангуй намжмал байгаа болон "Нэг хаалга-Нэг шинжилгээ" хөтөлбөрт иргэдийг олноор хамруулах ажил амжилттай явагдаж байгаатай холбоотой байна.

---